აქტუალური
კათოლიკოს-პატრიარქის ვიზიტი საფრანგეთში
თბილისი, 15 მაისი, საქინფორმი. საქართველოს მართლმადიდებლური ეკლესიის დელეგაცია სრულიად საქართველოს კათოლიკოს-პატრიარქის, მცხეთა-თბილისის მთავარეპისკოპოსის, ბიჭვინთისა და ცხუმ-აფხაზეთის მიტროპოლიტის, უწმიდესისა და უნეტარესი ილია მეორეს ხელმძღვანელობით საფრანგეთში მიემგზავრება.
როგორც სამების საპატრიარქო ტაძარში ქადაგებისას გარდაბნისა და მარტყოფის მიტროპოლიტმა იაკობმა განაცხადა, დელეგაცია საფრანგეთში ქართული კულტურის დღეებს დაესწრება.
მეუფე იაკობის თქმით, ღონისძიება ხელს უწყობს ქართული კულტურის პოპულარიზაციას საზღვარგარეთ, რაც ქვეყნისთვის ძალიან მნიშვნელოვანია. მისივე ინფორმაციით, ქართული კულტურის დღეებს საქართველოს გარდა სხვა მართლმადიდებლური ქვეყნების სასულიერო დელეგაციებიც დაესწრებიან.
