სამართალი
შსს-მ თბილისში, მოსაშვილის ქუჩაზე, კაფეში მომხდარი სროლის საქმეზე გამოძიება განზრახ მკვლელობის მცდელობისა და ცეცხლსასროლი იარაღის უკანონო ტარების მუხლებით დაიწყო
საქართველო, 26 მაისი, საქინფორმი. შინაგან საქმეთა სამინისტრომ თბილისში, მოსაშვილის ქუჩაზე, ერთ-ერთ კაფეში მომხდარი სროლის საქმეზე გამოძიება ორი მუხლით დაიწყო.
როგორც შსს-ში განაცხადეს, მომხდარ ფაქტთან დაკავშირებით გამოძიება სისხლის სამართლის კოდექსის 19/108-ე და 236-ე მუხლებით მიმდინარეობს, რაც განზრახ მკვლელობის მცდელობას და ცეცხლსასროლი იარაღის უკანონო შეძენა, შენახვა, ტარებას გულისხმობს.
შეგახსენებთ, სროლა თბილისში, მოსაშვილის ქუჩაზე, ერთ-ერთ კაფეში მოხდა. დაჭრილია ერთი პირი, რომელიც კლინიკაშია გადაყვანილი.
