აქტუალური
ჯოზეფ ბორელი: ევროკომისიის რეკომენდაციების შესრულება არ არის მხოლოდ მთავრობის საქმე, ყველა უნდა იყოს ჩართული

 საქართველო, 14 სექტემბერი, საქინფორმი. საგარეო საქმეთა და უსაფრთხოების პოლიტიკის საკითხებში ევროკავშირის უმაღლესი წარმომადგენელი ჯოზეფ ბორელი აცხადებს, რომ საქართველოში ყველა ერთად უნდა დადგეს, რომ ქვეყანამ ევროკომისიის რეკომენდაციების შესრულება შეძლოს.

ევროკომისრის განცხადებით, ყველას ერთად დგომით გზა უფრო გაიოლდება.

ჩვენ ცოტა ხნის წინ გვქონდა ასოცირების კომისიის სხდომა და დღეს განსხვავებულს ალბათ ბევრს ვერაფერს ვიტყვი. ახლა შესაძლებლობების ფანჯარა ღიაა, საქართველოს მკაფიო გზა აქვს. ახლა ქართველი ხალხი უნდა იდგეს ერთად ამ გზის მხარდასაჭერად. ეს არ არის მხოლოდ მთავრობის საქმე, ეს ხალხის საქმეცაა. ყველა უნდა იყოს ჩართული და ყველამ უნდა იმუშაოს, მაშინ გზა უფრო გაიოლდება. ესაა ჩემი რეკომენდაცია“, – განაცხადა ბორელმა.

სტრასბურგში, ევროპარლამენტის საშემოდგომო სესია გუშინ გაიხსნა, სადაც ქართველი დეპუტატებიც იმყოფებოდნენ.