აქტუალური
ვიოლა ფონ კრამონი - არჩევნები იყო კონკურენტული და საერთო ჯამში, თავისუფალი, თუმცა სამწუხაროა ამომრჩევლებზე ზეწოლის შემთხვევების ხილვა

 საქართველო, 1 ნოემბერი, საქინფორმი. არჩევნები იყო კონკურენტული და საერთო ჯამში, თავისუფალი, თუმცა სამწუხაროა ამომრჩევლებზე ზეწოლის შემთხვევების ხილვა, – ამის შესახებ ევროპარლამენტარმა, ვიოლა ფონ კრამონმა „ტვიტერის“ საკუთარ გვერდზე დაწერა.

ევროპარლამენტარის თქმით, ის ყურადღებით ადევნებს თვალს საქართველოს არჩევნებს.

„ყურადღებით ვადევნებ თვალს საქართველოს არჩევნებს. არჩევნები იყო კონკურენტული და საერთო ჯამში თავისუფალი, თუმცა სამწუხაროა ამომრჩევლებზე ზეწოლის შემთხვევების ხილვა. ადმინისტრაციულ და ფინანსურ რესურსებთან არათანაბარი წვდომა ძირს უთხრის დემოკრატიას. პოლიტიკური პარტიები უნდა იყვნენ მშვიდად და მშვიდობიანები. ევროკავშირი საქართველოს ხალხის გვერდით დგას“, – აცხადებს ევროპარლამენტარი.