საქართველო, COVID 19: მოახლოებულ აღდგომასა და ოპოზიციის პოლიტიკური თამაშების კომენტარს უკეთებს საქინფორმის მთავარი რედაქტორი არნო ხიდირბეგიშვილი.
- ბატონო არნო, საგანგებო მდგომარეობის მიუხედავად, სრულიად საქართველოს კათოლიკოს-პატრიარქმა ილია მეორემ მორწმუნეებს სააღდგომოდ ტაძრების კარი არ მიუხურა, რამაც გაერთიანებული ოპოზიციისა და სხვადასხვა არასამთავრობო ორგანიზაციების წარმომადგენლების ისტერიული პროტესტი გამოიწვია, რომლებმაც ხელისუფლება და საპატრიარქო შეთქმულებაში დაადანაშაულეს.
თქვენც მიგაჩნიათ, რომ ესაა "კატასტროფულად სასიკვდილო რისკი, რისთვისაც მთავრობამ და საქართველოს საპატრიარქომ მოსახლეობა გაწირეს", თუ ესაა "ხელოვნური ფსიქოზი, მასონური გადაწყვეტილების - კაცობრიობაზე კონტროლის განხორციელების რეპეტიცია", როგორც ეს რუის-ურბნისის მიტროპოლიტმა, მეუფე იობმა თავისი ქადაგებაში განაცხადა?
- დავაზუსტებ - ქართული მართლმადიდებელი ეკლესიის წმინდა სინოდის რამდენიმე წევრმა - ვინც შარშან მისცა ხმა ახალი უკრაინული ეკლესიის ავტოკეფალიის აღიარებას - დღეს თვითნებურად გადაწყვიტეს ლიტურგიის ჩატარება სამწყსოს გარეშე, მაგალითად, სააკაშვილის ცნობილმა მხარდამჭერმა, ფოთისა და ხობის მიტროპოლიტმა გრიგოლმა, რომელიც პატრიარქობას აპირებს სააკაშვილის დაბრუნების შემთხვევაში, ფოთში აღდგომის ღამეს წმინდა ანდრია პირველწოდებულის საკათედრო ტაძრის კარს დახურავს.
როგორც ხედავთ, 87 წლის პატრიარქი იოტისოდენადაც არ თმობს, როდესაც საქმე რწმენასა და ეგზისტენციალურ ფასეულობებს ეხება და სასიხარულოა, რომ წმინდა სინოდის აბსოლუტურმა უმრავლესობამ მხარი დაუჭირა ილია მეორეს ამჯერადაც, როგორც ეს უკრაინის ახალი ეკლესიის ავტოკეფალიის აღიარების საკითხთან დაკავშირებით მოხდა.
რაც შეეხება ტაძრებში დაინფიცირების საშიშროებას, იმაზე მეტი არაა, ვიდრე სხვა ნებისმიერ ადგილას. პირადად მე მიმაჩნია, რომ მორწმუნეებს, რომლებიც საკომენდანტო საათამდე მივლენ ღვთის სახლში, რასაც დედამიწაზე ეკლესია წარმოადგენს, რათა ერთად შეეგებონ ქრისტეს დიდ აღდგომას და მინიმუმ 10 საათი იდგნენ ფეხზე, უფალი დაიფარავს. მაგრამ ქართველი ნეობოლშევიკები სააკაშვილის წინამძღოლობით - გაერთიანებული პოლიტიკური ოპოზიცია, არასამთავრობო და ლგბტ ორგანიზაციები, იმბუდსმენი, "თეოლოგები", "ექსპერტები" და პროპაგანდისტული ფეიკ-მედია, რომლის ლიდერიც სააკაშვილის ტელეკომპანია "მთავარი არხია" - უკანასკნელ ღონეს მიმართავენ ქართული მართლმადიდებელი ეკლესიის - დასავლური გლობალიზმის წინაშე ბოლო ბასტიონისა და ერთმორწმუნე რუსეთთან დამაკავშირებელი ერთადერთი გადარჩენილი ხიდის - როგორც ინფექციის კერის, დისკრედიტაციისთვის! ისინი ნებისმიერ თანხას გადაუხდიან კორონავირუსით ინფიცირებულ პაციენტს, რათა საავადმყოფოში მისვლამდე წავიდეს დიდ ეკლესიაში, მაგალითად, სამებაში, ემთხვიოს იქ ხატებს და ეზიარის! ან გაავრცელებენ ეკლესიებში ინფიცირებულთა ნერწყვს, რისი შოვნაც საკმაოდ იოლია. ისინი პატრიარქის დაინფიცირებისგანაც არ დაიხევენ უკან, რომლის მოწამვლაც მრავალჯერ სცადეს! საქართველოში ბევრმა იცის, რომ კალიუმის ციანიდი მხოლოდ ბოლო, თუმცა არა ერთადერთი ეპიზოდია! ამასთაბ დაკავშირებით ძალიან საეჭვოა - როგორ, რა ვითარებაში დაინფიცირდა გასულ კვირას საპატრიარქო რეზიდენციის უსაფრთხოების თანამშრომელი...
- მეტისმეტად დაუჯერებლად და ველურად ჟღერს, თქვენდამი ჩემი დიდი პატივისცემის მიუხედავად…
-გეთანახმებით, მაგრამ განა საქმე ადეკვატურ ხალხთან გვაქვს?!” სააკაშვილის რეჟიმის დროს ადამიანებს განა ველურად არ აწამებდნენ? განა ნაკლებ დაუჯერებელი იყო, რაც მან საკუთარი ტელეკომპანიის გენერალური დირექტორ ნიკა გვარამიას დაავალა - მოეხდინა ფეხმძიმე ქალის გარდაცვალების ორგანიზება, რომელიც ტელეკომპანია რუსთავი 2-ის დასაცავად მივიდა და ამას იმსხვერპლა?! განა საღ ჭკუასა და გონებაზე მყოფი სააკაშვილი გასულ კვირას ჩაწერდა ყალბ ვიდეოს, რომელშიც ვიღაც უპატრონო სააკაშვილს სთხოვს, მიმართოს ზელენსკის, რათა ამ უკანასკნელმა იგი უკრაინის პრემიერ-მინისტრად დანიშნოს?!
- სხვათა შორის, ისრაელიდან დაგვირეკეს ქართველმა ემიგრანტებმა, რომლებიც უწინდებურად ცხოვრობენ თავიანთი მშობლიური საქართველოს ამბებით და რომლებიც უყურებენ ყველა ქართულ ტელეარხს - ისინი აღშფოთებულნი არიან იმ შეურაცხყოფით, რომელიც ებრაელებს მიაყენა „მთავარი არხის”ჟურნალისტმა გიორგი გაბუნიამ. გახსოვთ, თქვენ მას სახელის განთქმაში დაეხმარეთ, როცა უცხოურ მედიას განუცხადეთ, რომ ის არის გეი და გეიდირექტორ გვარამიას სექსუალური პარტნიორი?
- როგორც ჩანს, პუტინის, ილია მეორისა თუ ივანიშვილის შეურაცხყოფით პროვოკატორმა ვერ მიაღწია თავის მიზანს და ახლა უკვე მთელი ერის შეურაცხყოფაზე გადავიდა! დიახ, გაბუნია აღმოჩნდა არა მარტო პედერასტი, არამედ ანტისემიტიც, და მე მიკვირს - რატომ დუმს ყოველთვის აქტიური საქართველოს ებრაული დიასპორა ან საქართველოში ისრაელის საელჩო? გასულ კვირას, 12 აპრილის საღამოს, საავტორო ტელეგადაცემაში „პოსტ ფაქტუმ“ გაბუნია, რომელმაც „ჩამორჩენილობისთვის“ ქართული ეკლესია, პატრიარქი და მრევლი გალანძღა, მაგალითად მოიყვანა „ჯიუტი ებრაელი ორთოდოქსები, რომლებმაც არ მოისურვეს რელიგიური წესების შეწყვეტა - ისინი მოსახლეობის დაახლოებით 20% არიან, მაგრამ მათ გამო იფეთქა ისრაელში კორონავირუსის ეპიდემიამ". ”აი ისენი არიან, ასე იცვამენ, - დამცინავად თქვა გაბუნიამ ტელეკადრების კომენტირებისას, - ასე იცმევს ორთოქდოქსი - ისრაელის ჯანმრთელობის მინისტრი, რომელიც ასევე ავად გახდა!” (იხილეთ ვიდეო აქ).
- ღმერთმა გვფარავდეს ყველას!
ესაუბრა მაია ჯავახიშვილი
2020 წლის 17 აპრილი, ვნების პარასკევი
საქართველო, თბილისი