უცხოეთი
დიმიტრი მედოევის განცხადებით, იტალიელ იურისტებთან შეხვედრებს მართავს, რათა მათ „ოსი ხალხის გენოციდის საკითხზე სამხრეთ ოსეთის ინტერესები დაიცვან“

 საქართველო, 20 ნოემბერი, საქინფორმი. ე.წ.სამხრეთ ოსეთის დე ფაქტო საგარეო საქმეთა მინისტრი დიმიტრი მედოევი „ევროპული ტურნეს“ ფარგლებში შეხვედრებს იტალიაში მართავს. „სპუტნიკ-ოსეთიას“ ცნობით, შეხვედრების მთავარი განსახილველი თემა საქართველოს მხრიდან 1920-იან წლებში განხორციელებული „ოსი ხალხის გენოციდია“.

ე.წ. მინისტრის თქმით, ის შეუთანხმდა იტალიელ იურისტებს, რომ მიიღებენ სათანადო დოკუმენტებს და მასალებს იურიდიული ანალიზისთვის, რათა საქმე საერთაშორისო სამართლის შესაბამისობაში მოვიდეს. მედოევის თქმით, საქმე ეხება „საქართველოს დემოკრატიული რესპუბლიკის ხელისუფლების მიერ 1919-1920 წლებში ოსი ხალხის გენოციდს“.

მისივე თქმით, „იტალიელ იურისტებს შეუძლიათ სამხრეთ ოსეთის ინტერესები დაიცვან საერთაშორისო ინსტანციებში“.

interpressnews.ge