უცხოეთი
ჰანოის სამიტზე აშშ და ჩრდილოეთ კორეა შესაძლოა, სამშვიდობო ხელშეკრულების გაფორმებაზე შეთანხმდნენ
საქართველო, 26 თებერვალი, საქინფორმი. ჰანოის სამიტზე აშშ და ჩრდილოეთ კორეა შესაძლოა, სამშვიდობო ხელშეკრულების გაფორმებაზე შეთანხმდნენ. სამხრეთ კორეის პრეზიდენტის ადმინისტრაციაზე დაყრდნობით, სააგენტო „იონჰაფ“-ი წერს, რომ სამშვიდობო ხელშეკრულებაზე შეთანხმება კორეის ომის (1950-1953) ფორმალურ დასრულებას ნიშნავს. ომის შემდეგ სამხრეთ კორეასა და ჩრდილოეთ კორეას შორის მხოლოდ ცეცხლის შეწყვეტის შეთანხმებაა გაფორმებული.
24 თებერვალს, ამერიკულმა გამოცემა „ვაშინგტონ პოსტ“-მა სტატია გამოაქვეყნა, სადაც აღნიშნულია, რომ 27-28 თებერვლის სამიტზე აშშ-ის პრეზიდენტი დონალდ ტრამპი შესაძლოა, სამშვიდობო ხელშეკრულების გაფორმების ინიციატივით გამოვიდეს.
ვიეტნამის დედაქალაქში აშშ-ის პრეზიდენტის და ჩრდილოეთ კორეის ლიდერის სამიტი გაიმართება.
1tv.ge
