საზოგადოება
ზურაბიშვილი აგვისტოს ომის შემდეგ ამტკიცებდა, რომ საქართველოს გადარჩენის ერთადერთი გზა განგრენით დაავადებული ხელის, ანუ აფხაზეთის ამპუტაცია იყო! - ირაკლი ოქრუაშვილი

 საქართველო, 13 სექტემბერი, საქინფორმი. თავდაცვის ყოფილი მინისტრის ირაკლი ოქრუაშვილის განცხადებით, სალომე ზურაბიშვილი მას ჯერ კიდევ ცხრა წლის წინ “უმტკიცებდა”, რომ საქართველოს განვითარების და გადარჩენის ერთადერთი გზა აფხაზეთზე უარის თქმა იყო.

ოქრუაშვილს მიაჩნია, რომ სალომე ზურაბიშვილი დღესაც იმავეს ფიქრობს.

სალომე ზურაბიშვილს კარგად რომ არ ვიცნობდე და დღემდე ამდენი მავნებლური რამ რომ არ ეთქვა, როგორც პრეზიდენტობის კანდიდატს, კიდევ არაფერს ვიტყოდი მასზე.

ეს ქალბატონი, თავისი აზროვნების უნარით, გონიერებით, მსოფლმხედველობით და არტიკულაციით არის ემზარ კვიციანის კლონი თუ პროტოტიპი. იშვიათად შეხვდებიპარიზში აღზრდილადამიანს, რომელიც იმავდროულად პროვინციალიზმის ამხელა დოზით იყოს გაჟღენთილი. ის, რომ 1921 წლის შემდეგ საქართველოში დარჩენილ ყველა ქართველს ზემოდან გვიყურებს, როგორც ცისფერსისხლიანი პლებეებს და ყველა აქ დარჩენილ/დაბადებულს კომკავშირის პირმშოებად აღგვიქვამს, ეს ჩემთვის ახალი არაა, რადგან ასეთი რამ საფრანგეთში ხუთწლიანი ცხოვრების მანძილზე ბევრიმისნაირიქართველისთვის შემიმჩნევია.

არასოდეს დამავიწყდება, ცხრა წლის წინ, აგვისტოს ომის შემდეგ პარიზში შეხედრისას თუ როგორ მიმტკიცებდა, რომ ქართული სახელმწიფოს გადარჩენის და განვითარების ერთადერთი გზა განგრენით დაავადებული ხელის ამპუტაცია ანუ აფხაზეთზე ერთხელ და სამუდამოდ უარის თქმა იყო. ეჭვი არ მეპარება, დღემდე იგივეს ფიქრობს. სწორად დაუდია ივანიშვილს ფსონი და ”სწორი არჩევანი” აქვს გაკეთებული მასზე. ეჭვი არც იმაში მეპარება, რომ ისიც ასე ფიქრობს. როგორც ამბობენ, ფერი ფერსაო. ახლა თქვენზეა დამოკიდებული, გააკეთებთ თუ არა არჩევანს ადამიანზე, რომელიც არჩევამდე უკვე იმსახურებს, მინიმუმ, მავნებლის სახელს. მძინარე ცხინვალი გაგვიღვიძებია თურმე, მას რომ ჰკითხოთ“, - წერს სოციალურ ქსელში ირაკლი ოქრუაშვილი.