საქართველო, 13 ივლისი, საქინფორმი. საქართველოს პრემიერ-მინისტრმა მამუკა ბახტაძემ მთავრობის განახლებული შემადგენლობა დაასახელა. მასში 3 ახალი და 7 ძველი მინისტრი იქნება. აგრეთვე, ახალ მთავრობაში აღარ იქნება 3 ძველი მინისტრი სამინისტროების 13-დან (პლუს ერთი სახელმწიფო მინისტრი) 10-მდე (პლუს ერთი სახელმწიფო მინისტრი) შემცირების შედეგად.
ახალი მინისტრები:
განათლების, მეცნიერების, კულტურისა და სპორტის მინისტრი – მიხეილ ბატიაშვილი;
ეკონომიკისა და მდგრადი განვითარების მინისტრი – გიორგი ქობულია;
ფინანსთა მინისტრი – ივანე მაჭავარიანი;
თანამდებობა შეინარჩუნეს:
რეგიონული განვითარებისა და ინფრასტრუქტურის მინისტრი – მაია ცქიტიშვილი;
გარემოს დაცვისა და სოფლის მეურნეობის მინისტრი – ლევან დავითაშვილი;
საგარეო საქმეთა მინისტრი – დავით ზალკალიანი;
შინაგან საქმეთა მინისტრი – გიორგი გახარია;
იუსტიციის მინისტრი – თეა წულუკიანი;
თავდაცვის მინისტრი – ლევან იზორია;
ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრი – დავით სერგეენკო;
შერიგებისა და სამოქალაქო თანასწორობის საკითხებში სახელმწიფო მინისტრი – ქეთევან ციხელაშვილი.
მთავრობის განახლებულ შემადგენლობას საქართველოს პარლამენტმა ნდობა უნდა გამოუცხადოს. მოსალოდნელია, რომ კენჭისყრა კვირის ბოლომდე გაიმერთება. „მცირე მთავრობის“ კონცეფცია მიმართულია აღმასრულებელი ხელისუფლების მუშაობის ოპტიმიზაციაზე და ხარჯების შემცირებაზე.