საქართველო, 30 აპრილი, საქინფორმი. აშშ-ის ადმინისტრაციას სურს, რომ ნატო-ს წევრმა ქვეყნებმა თავდაცვაზე მთლიანი შიდა პროდუქტის 2%-ზე მეტი დახარჯონ, – ამის შესახებ აშშ-ის პრეზიდენტმა დონალდ ტრამპმა ვაშინგტონში, გერმანიის კანცლერ ანგელა მერკელთან ერთად გამართულ პრესკონფერენციაზე განაცხადა.
დონალდ ტრამპის თქმით, ნატო-ელმა მოკავშირეებმა ალიანსის თავდაცვაზე სამართლიანი წილი უნდა გაიღონ.
„ჩვენ ვისაუბრეთ ჩრდილო-ატლანტიკური ალიანსის გაძლიერების აუცილებლობაზე. ყველა წევრმა უნდა შეასრულოს ვალდებულება და დახარჯოს მშპ-ის 2% და ვიმედოვნებთ, რომ ცოტა მეტიც“, – განაცხადა დონალდ ტრამპმა.

იენს სტოლტენბერგი - საქართველოს ყველა პრაქტიკული მექანიზმი აქვს ნატო-ს წევრობისთვის მოსამზადებლად

     საქართველოს ყველა პრაქტიკული მექანიზმი აქვს ნატო-ს წევრობისთვის მოსამზადებლად, – ამის შესახებ ნატო-ს გენერალურმა მდივანმა იენს სტოლტენბერგმა განაცხადა.
„წევრობის სამოქმედო გეგმა არის პროცესის შემადგენელი ნაწილი, საქართველოს გაწევრიანების პროცესის ნაწილი. სანამ საქართველო ნატო-ში გაწევრიანდება, მანამდე უნდა იყოს ალიანსის წევრების კონსენსუსი MAP-ზე“, – განაცხადა იენს სტოლტენბერგმა.
ნატო-ს გენერალურმა მდივანმა უპასუხა პირველი არხის ჟურნალისტის კითხვას, კიდევ რა ნაბიჯები უნდა გადადგას საქართველომ, რათა დაამტკიცოს, რომ იმსახურებს ალიანსის წევრობას.
როგორც სტოლტენბერგმა აღნიშნა, საქართველომ უნდა გააგრძელოს რეფორმები, შეიარაღებული ძალების მოდერნიზება, დააკმაყოფილოს ნატო-ს სტანდარტები, განამტკიცოს კანონის უზენაესობის დაცვა, უზრუნველყოს დამოუკიდებელი მართლმსაჯულება, ებრძოლოს კორუფციას.

იენს სტოლტენბერგი - საქართველოს პროგრესი იქნება აღიარებული და ვიპოვით გზებს, ზუსტად რა ფორმით ავსახოთ ეს პროგრესი

     საქართველომ უნდა გააგრძელოს რეფორმები, შეიარაღებული ძალების მოდერნიზება, დააკმაყოფილოს ნატო-ს სტანდარტები, განამტკიცოს კანონის უზენაესობის დაცვა, უზრუნველყოს დამოუკიდებელი მართლმსაჯულება, ებრძოლოს კორუფციას, – ასე უპასუხა ნატო-ს გენერალურმა მდივანმა იენს სტოლტენბერგმა პირველი არხის ჟურნალისტის კითხვას, კიდევ რა ნაბიჯები უნდა გადადგას საქართველომ, რათა დაამტკიცოს, რომ იმსახურებს ალიანსის წევრობას.
როგორც სტოლტენბერგმა განაცხადა, აღნიშნული რეფორმები საქართველოს ჩრდილოატლანტიკურ ალიანსში გაწევრიანების გზაზე დაეხმარება.
„ჩვენ არ მიგვიღია საბოლოო გადაწყვეტილება ფორმატების შესახებ. ორგანიზაციის ყველა წევრმა მტკიცე მხარდაჭერა დააფიქსირა საქართველოს მიმართ და საქართველოს მისწრაფების მიმართ. ჩვენ გავაგრძელებთ საქართველოსთვის პრაქტიკული და პოლიტიკური დახმარების აღმოჩენას. წევრებმა მადლიერებით აღნიშნეს საქართველოს მონაწილეობა ნატო-ს მიერ წარმოებულ ოპერაციებში.
დარწმუნებული ვარ, საქართველოს მიერ მიღწეული პროგრესი იქნება აღიარებული და ჩვენ ვიპოვით გზებს. ზუსტად რა ფორმით იქნება პროგრესი ასახული, ჯერ გადაწყვეტილი არ არის. ჯერ სამიტის პროგრამა დეტალურად გადაწყვეტილი არ არის.
საქართველომ უნდა გააგრძელოს რეფორმები, შეიარაღებული ძალების მოდერნიზება, დააკმაყოფილოს ნატოს სტანდარტები, განამტკიცოს კანონის უზენაესობის დაცვა, უზრუნველყოს დამოუკიდებელი მართლმსაჯულება, ებრძოლოს კორუფციას. ეს არის კარგი საქართველოსთვის და ეხმარება საქართველოს წევრობის გზაზე“, – განაცხადა ნატო-ს გენერალურმა მდივანმა პირველი არხის ჟურნალისტის კითხვის საპასუხოდ.

1tv.ge