პოლიტიკა
საქართველოს საგარეო საქმეთა სამინისტრო ქვეყნის ტერიტორიიდან რუსი დიპლომატის გაძევების შესახებ განცხადებას აკეთებს

     საქართველო, 30 მარტი, საქინფორმი. სამინისტრო გამოხატავს სოლიდარობას გაერთიანებული სამეფოსადმი, იზიარებს გაერთიანებული სამეფოსა და საერთაშორისო საზოგადოების პოზიციას აღნიშნულ საკითხთან დაკავშირებით და, შესაბამისად, მიუღებელ პიროვნებად აცხადებს საქართველოში შვეიცარიის კონფედერაციის საელჩოს რუსეთის ინტერესების სექციის თანამშრომელს და მოითხოვს მის მიერ საქართველოს დატოვებას 7 დღის ვადაში”, — ნათქვამია საქართველოს საგარეო საქმეთა სამინისტროს განცხადებაში.
რუსი დიპლომატის ვინაობა განცხადებაში არ არის დასახელებული. იქვე აღნიშნულია, რომ საგარეო საქმეთა სამინისტრო გმობს გაერთიანებული სამეფოს ტერიტორიაზე ქიმიური იარაღის გამოყენების ფაქტს, რამაც გამოიწვია სამი ადამიანის ჯანმრთელობის მძიმე დაზიანება და სერიოზული საფრთხე შეუქმნა სხვა ადამიანების სიცოცხლესა და ჯანმრთელობას. აღნიშნული წარმოადგენს სერიოზულ გამოწვევას საერთო უსაფრთხოებისთვის.