აქტუალური
საქართველო, 7 თებერვალი, საქინფორმი. თურქეთის პრეზიდენტმა რეჯეფ თაიფ ერდოღანმა აშშ-ს მანბიჯიდან ჯარების გაყვანისკენ მოუწოდა. „თურქეთის მიზანია, სირიის ქალაქი მანბიჯი „ნამდვილ პატრონებს“ დაუბრუნოს“, – განაცხადა ერდოღანმა.
თურქეთის პრეზიდენტი ფიქრობს, რომ „ვაშინგტონს სირიაში თურქეთის, ირანისა და, შესაძლოა, რუსეთის წინააღმდეგ ანგარიშები აქვს, რადგან ე.წ. ისლამური სახელმწიფოს დამარცხების შემდეგ აშშ-ის სამხედრო ფაქტორი ზემოხსენებული ქვეყნების წინააღმდეგ იყო მიმართული“.
თურქეთის პრეზიდენტმა და საგარეო საქმეთა მინისტრმა არაერთხელ განაცხადეს, რომ ანკარა სირიის საზღვართან ტერორისტულ საფრთხეს მანბიჯიდან აფრინამდე გაანეიტრალებს. სირიის ქალაქ მანბიჯში 2 000 ამერიკელი სამხედროა ბაზირებული.