საქართველო, 27 ოქტომბერი, საქინფორმი. ამის შესახებ საქართველოს პრეზიდენტმა ტელეკომპანია “მაესტროს“ ეთერში განაცხადა. მისივე თქმით, როდესაც მთელი სახელისუფლებო ვერტიკალი კონცენტრირებული გაქვს ერთი პარტიის ხელში, ეს საშიშროებაა.
”თუ მცირე დეტალებს შევხედავთ, ვიტყვით იმასაც, რომ ახლა უკვე გვაქვს ისეთი ოლქები და უბნები, სადაც ერთი ხმით, ათი ხმით იგებენ სხვადასხვა პარტიის წარმომადგენლები, ჩვენ ვნახავთ, რამდენად უნდა გავუფრთხილდეთ თვითონ საარჩევნო პროცესს.
...მე მინდა, საზოგადოებამ იცოდეს, რომ როდესაც არ არის მაკონტროლებელი და დამაბალანსებელი, ანა-ბანას ვლაპარაკობ, მაშინ ნებისმიერი პოლიტიკური ძალისთვის ძალიან ძნელი პერიოდი დგება. ასეთი ძნელი პერიოდი დამდგარა ”მოქალაქეთა კავშირისთვის”, ”ნაციონალური მოძრაობისთვის”. მე არ მინდა, რომ ხელისუფლების კონსოლიდაციით და საკუთარი სიძლიერით აღფრთოვანებულმა ”ქართულმა ოცნებამ” ამ რთულ გზაზე დაიწყოს სვლა. არც ”ქართული ოცნებისთვის” მინდა და არც ჩვენი სახელმწიფოსთვის”, - განაცხადა გიორგი მარგველაშვილმა.