საზოგადოება
რა კრიტერიუმებით იხელმძღვანელა პრეზიდენტმა მარგველაშვილმა, როცა არ მიანიჭა მოქალაქეობა საქართველოში დაბადებული ადამიანების უმრავლესობას? - თეა წულუკიანი
საქართველო, 13 ოქტომბერი, საქინფორმი. იუსტიციის მინისტრმა მოქალაქეობის საკითხთა კომისიის 5-წლიანი ანგარიში წარმოადგინა. "2017 წლის 1 იანვრიდან 9 ოქტომბრამდე 79 ფერეიდნელ ქართველს მიეცა დადებითი რეკომენდაცია საქართველოს მოქალაქეობაზე. კომისიამ სულ 32 523 უცხოელისთვის საგამონაკლისო წესით მოქალაქეობის მინიჭების მოთხოვნაზე იმსჯელა, 2311 შემთხვევაში გამოსცა დადებითი გადაწყვეტილება და გადაეგზავნა პრეზიდენტს. აღსანიშნავია, რომ 86%-ის შემთხვევაში საქმე ეხება საქართველოში დაბადებულ ადამიანებს, ან საქართველოში დაბადებულ ყოფილ მოქალაქეებს და მათი ოჯახის წევრებს, რომლებიც 90-იან წლებში საზღვარგარეთ წავიდნენ, დაკარგეს საქართველოს მოქალაქეობა და ახლა გადაწყვიტეს, დაბრუნდნენ საქართველოში. ჩვენმა სააგენტომ სწორედ ასეთ პირებზე გასცა დადებითი დასკვნა", - განაცხადა თეა წულუკიანმა.
