აქტუალური
საქართველო, 21 სექტემბერი, საქინფორმი. პირველი არხის კითხვის საპასუხოდ გია ვოლსკიმ აღნიშნა, რომ საქართველოს მხრიდან ავღანეთში კონტინგენტის გაზრდა დამოკიდებულია იმაზე, სამხედრო კოალიცია რამდენად და როგორ აფასებს იმ ამოცანებს, რაც ქართული მხარის წინაშეც დგას.
„რაოდენობასთან დაკავშირებით ვერაფერს გეტყვით, მაგრამ არ მინდა, ეს საკითხი წმინდა პოლიტიკურ ჭრილში გადავიყვანო, რადგან ჩვენ საგანგებო მისიას ვასრულებთ და ვიცავთ არა მხოლოდ საერთაშორისო წესრიგს, არამედ ჩვენს ოჯახებს, საქართველოს უსაფრთხოების ინტერესებს“, - დასძინა ვოლსკიმ.
აშშ-ის შემდეგ ავღანეთში კონტინგენტის გაზრდის გადაწყვეტილება ნატომაც მიიღო. იენს სტოლტენბერგის თქმით, ავღანეთის ძალების მისიაში მონაწილე ნატოს სამხედროების რაოდენობა რამდენიმე ათასით გაიზრდება.