ივლისში მაშველებმა შავ ზღვაზე 176 ადამიანი გადაარჩინეს და ზღვის სანაპიროზე დაკარგული 100-ზე მეტი ბავშვი იპოვეს

საზოგადოება

საქართველო, 11 აგვისტო, საქინფორმი. შსს-ს საგანგებო სიტუაციების მართვის სააგენტოს მაშველებმა 2017 წლის 1-31 ივლისის პერიოდში საქართველოს 106 და სხვა ქვეყნის 70 მოქალაქე გადაარჩინეს. აგრეთვე შსს-ს საგანგებო სიტუაციების მართვის სააგენტოს მაშველებმა ბოლო 1 თვის განმავლობაში პლაჟზე დაკარგული 109 ბავშვი მშობლებს უვნებლად დაუბრუნეს. სააგენტოს ცნობით, ამ კუთხით ყველაზე მაღალი მაჩვენებელი ურეკში დაფიქსირდა, სადაც მაშველებმა 97 დაკარგული ბავშვი იპოვეს. სტატისტიკა 1-31 ივლისს მოიცავს. ამავე პერიოდში სამაშველო სამსახურის წარმომადგენლებმა ქობულეთში - 8, ხოლო ბათუმში 4 ბავშვის პოვნა შეძლეს. აღნიშნულია, რომ მცირეწლოვნების მოძიება უმოკლეს დროში მოხდა. შავი ზღვის სანაპირო ზოლზე მოძიებულ ბავშვებს შორის იყვნენ როგორც საქართველოს, ასევე სხვა ქვეყნის მოქალაქეები.