საქართველო, 30 მარტი, საქინფორმი. თბილისის ინტერპოლისა და შსს-ს საპატრულო პოლიციის დეპარტამენტის სასაზღვრო-სამიგრაციო კონტროლის სამმართველო „თბილისის აეროპორტის“ თანამშრომლებმა, რუსეთის ფედერაციიდან საქართველოში შემოსვლისას, კიევის ინტერპოლის მიერ ძებნილი უკრაინის მოქალაქე ი.კ. დააკავეს.
ი.კ-ს ბრალად ედება უკრაინის სისხლის სამართლის კოდექსის 255-ე მუხლის
1 ნაწილით და 191-ე მუხლის მე-5 ნაწილით გათვალისწინებული დანაშაულის ჩადენა, რაც კრიმინალური ორგანიზაციის შექმნას და თანამდებობის ბოროტად გამოყენებით ქონების უკანონო მითვისება-გაფლანგვას გულისხმობს.
დაკავებულის მიმართ კანონით გათვალისწინებული წინასაექსტრადიციო პროცედურები მიმდინარეობს.
საქართველოში ყველა მოუთმენლად ელის, როდის დააკავებს კიევის ინტერპოლი საქართველოს მთავარი პროკურატურის მიერ ძებნილ სისხლის სამართლის დამნაშავე – ვინმე მიშა სააკაშვილს!