აქტუალური
მიშას კვლევა: "საპრეზიდენტო არჩევნებში მარგველაშვილს ხმას მისცემდა 10.5% , სააკაშვილს - 9.1%", კვირიკაშვილს – 3.0%
საქართველო, 24 აგვისტო, საქინფორმი. გერმანულ–ამერიკული კომპანია GFK-ს მიერ ჩატარებული კვლევის მიხედვით, საქართველოს პრეზიდენტი გიორგი მარგველაშვილი საპრეზიდენტო არჩევნების ჩატარების შემთხვევაში გამოკითხულთა ხმების 10.5%-ს მიიღებდა.
კითხვაზე: შემდეგ კვირას რომ საპრეზიდენტო არჩევნები ტარდებოდეს, ვის მისცემდით ხმას? პასუხები ასე გადანაწილდა:
გიორგი მარგველაშვილი – 10.5%
დავით ბაქრაძე – 9.1%
მიხეილ სააკაშვილი – 6.9%
გამოკითხულთა 4.8% ხმას ირაკლი ალასანიას მისცემდა.
პაატა ბურჭულაძეს – 3.6%, ხოლო საქართველოს პრემიერ–მინისტრ გიორგი კვირიკაშვილს საპრეზიდენტო არჩევნების ჩატარების შემთხვევაში ხმას 3.0% მისცემდა.
კომპანია GFK-მ სააკაშვილის პარტიული ტელეკომპანია “რუსთავი 2”-ის დაკვეთით ჩატარებული მორიგი სოციოლოგიური კვლევის შედეგები წარმოადგინა. კვლევა 2-დან 18 აგვისტოს ჩათვლით ჩატარდა და პირდაპირი ინტერვიუს წესით, მთელი საქართველოს მასშტაბით, 2200 ადამიანი გამოიკითხა. ცდომილების ზღვარი 2.1%-ია.
