პოლიტიკა
თემურ ხაჩიშვილი და ლადო ბედუკაძე არჩევნებში პარტია „საქართველოს კომუნისტური პარტია - სტალინელების“ სახელით მიიღებენ მონაწილეობას
საქართველო, 23 აგვისტო, საქინფორმი. ამის შესახებ მათ გუშინ გამართულ ბრიფინგზე განაცხადეს.
როგორც „საქართველოს კომუნისტური პარტია - სტალინელების“ ხელმძღვანელმა ივანე წიკლაურმა აღნიშნა, საპარლამენტო არჩევნებზე ერთიანი სიით გავლენ.
„ჩვენ ვნახეთ, როგორ ებრძვიან „ცენტრისტებს“. როცა არჩევნებიდან ხსნიან პარტიას, ეს არ არის დემოკრატიული პრინციპების დაცვა. კომუნისტური პარტია კი ყოველთვის დემოკრატიის სადარაჯოზეა”, - აღნიშნა წიკლაურმა.
ლადო ბედუკაძემ ივანე წიკლაურს მადლობა გადაუხადა და აღნიშნა, რომ წიკლაურმა სამოქალაქო გმირობა გამოიჩინა. მისივე თქმით, საპარლამენტო არჩევნებში მცხეთის მაჟორიტარად იყრის კენჭს.
