საქართველო, 1 ივლისი, საქინფორმი.  ამის შესახებ  სოციოლოგმა ვალერიან  გორგილაძემ გადაცემა 2030-ში სტუმრობისას განაცხადა.

 “მე ბალტიისპირეთსა და უკრაინაში მუშაობა მიწევდა და ვიცი, რომ GFK-ს ძალიან ცუდი რეპუტაცია აქვს. ამიტომ GFK-ს შედეგებთან დაკავშირებით სერიოზული მსჯელობა არ შეიძლება. გარდა ამისა, კვლევის დამკვეთი არის “რუსთავი 2”,  რომელიც პოლიტიკური მხარეა. ჩემ მიერ ჩატარებული კვლევის მიხედვით, “ქართული ოცნების” რეიტინგი “ნაციონალური მოძრაობის” რეიტინგს 2-ჯერ აღემატება. მოქმედ პოლიტიკოსებს შორის კი კვირიკაშვილს ყველაზე მაღალი ნდობა აქვს”, - განაცხადა გორგილაძემ.

 “ქართულ ოცნებას” შეუძლია, პარლამენტში უმრავლესობა აიღოს. “ნაციონალური მოძრაობა” მეორე პოლიტიკური ძალის სტატუსს ინარჩუნებს და ამ სტატუსს რამდენიმე პოლიტიკური ორგანიზაცია - ირაკლი ალასანიას, პაატა ბურჭულაძის, ნინო ბურჯანაძის პარტიები და “პატრიოტთა ალიანსი” უახლოვდება. “ნაციონალური მოძრაობის” რეიტინგი 10-დან 13-14 %-მდე მერყეობს”, - აღნიშნა სოციოლოგმა.

 მისი თქმით, თუ კვლევას პიარ-ინსტრუმენტად იყენებენ, მისი მიზანი მანიპულაციაა.

 „შემიძლია, მომავალი კვლევების პროგნოზიც გავაკეთო, რომლებსაც სექტემბრის თვეში NDI, IRI და GFK გამოაქვეყნებენ და, რომელთა შესაბამისად, “ნაციონალური მოძრაობა” პირველ პოზიციაზე აღმოჩნდება. ყველას ვაფრთხილებ, ეს ძალიან არასერიოზულია და დესტაბილიზაციის ინიცირების მცდელობაა”, - განაცხადა ვალერიან გორგილაძემ.