რფ-ის პრეზიდენტის პრესმდივანი დიმიტრი პესკოვი და ოლიმპიური ჩემპიონი ყინულზე ცეკვაში ტატიანა ნავკა ოფიციალურად დაქორწინდნენ. მათ ქორწილში სოჭის ყველაზე ძვირადღირებულ ოტელში ათობით სტუმარი იქნა მიწვეული
საქართველო, 3 აგვისტო,
საქინფორმი. ცერემონიას ესწრებოდნენ პოლიტიკოსები, ჩინოვნიკები, სპორტსმენები და კულტურის მოღვაწენი, - იუწყება ტასი. ქორწილი შავი ზღვის სანაპიროს ყველაზე ძვირად ღირებულ ოტელ
„Rodina Grand Hotel & SPA“-ში გაიმართა.
ამ სასტუმროში ყველაზე ეკონომიური ნომერი დღე-რამეში 36 ათასი რუბლი ღირს, სუპერლუქსი კი - 200 ათასი რუბლი.
ზოგიერთი მონაცემით, ქორწილის ხარჯები ოტელის მფლობელმა, მილიარდერმა ოლეგ დერიპასკამ გაიღო. მოგვიანებით პატარძლის მეგობარი ალიკა სმეხოვას ინსტაგრამზე საქორწილო კაბაში გამოწყობილი ტატიანა ნავკას ფოტოები გამოჩნდა.