საქართველო, 26 იანვარი, საქინფორმი. ყოფილი ქართველი პოლიტპატიმარი, არმიის გენერალი, ბატალიონი „ავაზას“ ყოფილი მეთაური ტრისტან წითელაშვილი ირწმუნება, რომ საქართველოს ექსპრეზიდენტი მიხეილ სააკაშვილის ხელი ურევია იური ვაზაგაშვილის მკვლელობაში, რომელიც 20 იანვარს აფეთქების შედეგად თავისი ვაჟის საფლავზე, კასპის რაიონის სოფელ ყარაფილაში დაიღუპა. წითელაშვილის აზრით, ვაზაგაშვილი მის ხელთ არსებული საქმის მასალების გამო მოკლეს, რომლებიც საფრთხეს წარმოადგენს ყოფილი მმართველი პარტია „ერთიანი ნაციონალური მოძრაობისათვის“.
ამასთან, ყოფილმა პატიმარმა განაცხადა, რომ სააკშვილი ამზადებს შეიარაღებულ ჯგუფს უკრაინაში, რომლის დახმარებითაც საქართველოში ხელისუფლების სათავეში დაბრუნებას გეგმავს.

უწინ, 2014 წლის გაზაფხულზე, ყოფილმა პატიმარმა საჯაროდ დაადანაშულა მიხეილ სააკაშვილი, ასევე, გივი თარგამაძე და გია ბარამიძე იმაში, რომ მათ კიევის მაიდანზე ოთხი ქართველი სნაიპერი-პროვოკატორი გაგზავნეს.

როგორც იტყობინებოდნენ,ზურაბ ვაზაგაშვილი 2006 წლის 2 მაისს თბილისში ყაჩაღური

თავდასხმის მომზადებაში ეჭვმიტანილი პირების დაკავების სპეცოპერაციის მსვლელობისას იქნა მოკლული. ოპოზიციის წარმომადგენლები და უფლებათადამცველები ეჭვქვეშ აყენებდნენ პოლიციის მოქმედების სამართალზომიერებას, რომელმაც იარაღი გამოიყენა. 2012 წლის ბოლოს, საქართველოში ხელისუფლების შეცვლის შემდეგ, ამ საქმის გამოძიება განახლდა.