საქართველო, 15 დეკემბერი, საქინფორმი. 11 დეკემბერს რაულ ხაჯიმბა აფხაზეთის მედიის წარმომადგენლებს შეხვდა. მან მოკლედ დაახასიათა ის პროცესები, რომლებიც დღეს ქვეყანაში მიმდინარეობს, შემდეგ კი ჟურნალისტების კითხვებს უპასუხა. ჟენევის დისკუსიების გაგრძელების მიზანშეწონილობის თაობაზე კითხვის პასუხად ხაჯიმბამ აღნიშნა: „თუ ისინი სრულად ვერ ჭრის ჩვენ წინაშე მდგარ ამოცანებს, სამაგიეროდ, არსებობს შესაძლებლობა, რომ ყური დაგვიგდონ. აუცილებლად მიმაჩნია შეხვედრების გაგრძელება, სანამ არ არსებობს საკუთარი პოზიციების მკაფიოდ დაფიქსირების სხვა საშუალება“.

ენგურჰესთან დაკავშირებულ კითხვაზე პასუხისას ხაჯიმბამ გამოთქვა ეჭვი - „ნამდვილად იღებს კი აფხაზეთი რესურსების იმ 40%-ს, რომლის შესახებაც თავის დროზე შეთანხმება გაფორმდა? დოკუმენტები, სამწუხაროდ, მოწმობს, რომ გასული წლების განმავლობაში ყველაფერი არ გაკეთებულა საიმისოდ, რომ ეს ობიექტი აფხაზეთის საკუთრებად ქცეულიყო. ამისათვის, მისი თქმით, საჭიროა, პირველი: პრეზიდენტმა და მთლიანად აღმასრულებელმა ხელისუფლებამ შეიმუშაონ ღონისძიებები იმ დოკუმენტების მოსამზადებლად, რომლებიც ობიექტის კუთვნილების საკითხებს გადაჭრის. ის რაც ჩვენს ტერიტორიაზეა, აფხაზ ხალხს უნდა ეკუთვნოდეს“, - აღნიშნა ხაჯიმბამ.