საქართველო, 12 სექტემბერი, საქინფორმი. შვედეთში სკანდალი აგორდა: გაზეთმა Aftonbladet საგარეო საქმეთა მინისტრი კარლ ბილდტი კორუფციასა და საქართველოს ყოფილი ხელისუფლების არაუანგარო ლობირებაში დაადანაშაულა. ჟურნალისტების თქმით, მათ ხელთ აქვთ დოკუმენტები, რომლებიც მოწმობს: ბილდტთან დაკავშირებულმა PR-ფირმამ საქართველოს ყოფილი ხელისუფლებისგან ევროპაში მიხეილ სააკაშვილის იმიჯის გასაუმჯობესებლად 3 მლნ დოლარზე მეტი მიიღო.

საქართველოს sახელმწიფო კანცელარიის ყოფილმა უფროსმა ამ გარიგების ფაქტი დაადასტურა და წამოცდა, რომ ის მანამდე დაიდო, სანამ კარლ ბილდტი მინისტრი გახდებოდა. შვედეთის საგარეო საქმეთა მინისტრის პრესმდივნის თქმით, ბატონი ბილდტი მას შემდეგ პიარით არ დაკავებულა. თუმცა, მიხეილ სააკაშვილთან მეგობრულ ურთიერთობებს ინარჩუნებს და ასევე, რუსეთის ყველა მკაცრ კრიტიკოსად ითვლება ევროპელ პოლიტიკოსებს შორის.

კარლ ბილდტისა და მიხეილ სააკაშვილის ფინანსურ კავშირებზე აღნიშნული ტაბლოიდი ჯერ კიდევ 2012 წელს წერდა, თუმცა მაშინ ჟურნალისტები ამ დასკვნებს მხოლოდ თავის წყაროებზე დაყრდნობით აკეთებდნენ.

როგორც გაზეთის სტატიიდან ხდება ცნობილი, კარლ ბილდტმა, რომელიც 2004-2006 წლებში შვედური პიარ-სააგენტო „Kreab”-ის დირექტორთა საბჭოს ხელმძღვანელობდა, ხელი მოაწერა 3-მლნ-იან კონტრაქტს საქართველოს იმჟამინდელ პრეზიდენტ მიხეილ სააკაშვილთან.