ლავროვი: „ერაყის ერთიანობა კითხვის ნიშნის ქვეშ არის... რუსეთი დიდი ხანია აცხადებდა, რომ ამერიკელებისა და ინგლისელების მიერ წამოწყებული ავანტიურა კარგად არ დასრულდებოდა”
საქართველო, 14 ივნისი,
საქინფორმი. რუსეთის საგარეო საქმეთა მინისტრი
სერგეი ლავროვის განცხადებით, 11 წლის წინ აშშ-მა განცხადა ერაყში დემოკრატიის გამარჯვების შესახებ, თუმცა მას შემდეგ სიტუაციამ გეომეტრიული პროგრესიით დეგრადაცია განიცადა.
„ჩვენ ძალიან გვაშფოთებს ის, რაც ერაყში ხდება. აშშ-ის შიდაპოლიტიკური მოსაზრებებით, ჯარების გაყვანა განხორციელდა, როცა ერაყის უსაფრთხოების ძალები არ იყვნენ მზად კანონისა და წესრიგის უზრუნველსაყოფად ერაყის მთელ ტერიტორიაზე“, - განაცხადა ლავროვმა. „ერაყში არსებულმა სიტუაციამ შესაძლოა გავლენა მოახდინოს რუსეთის უსაფრთხოებაზე, განსაკუთრებით ჩრდილოეთ კავკასიის რეგიონში. თუმცა რუსები ყოველთვის ეხმარებიან ცხელ წერტილებში მცხოვრებ თავის თანამემამულეებს“, - აღნიშნა ტელეარხ “ალ-ალამის” შეფ რედაქტორმა აბდულა ისამ.