უცხოეთი
პენტაგონმა რუსეთთან რაკეტსაწინააღმდეგო თავდაცვის სისტემებზე მსჯელობა შეწყვიტა
საქართველო, 3 აპრილი, საქინფორმი. პენტაგონმა რუსეთთან უკრაინის სიტუაციის გამო რაკეტსაწინააღმდეგო თავდაცვის სისტემებზე მსჯელობა შეწყვიტა, - ამის შესახებ აშშ-ის თავდაცვის მინისტრის თანაშემწის მოადგილე ელაინ ბანი იტყობინება.
ელაინ ბანი: „რუსეთის ჩარევამ უკრაინის კრიზისში, საერთაშორისო კანონმდებლობის დარღვევამ ჩვენი სამხედროების დიალოგის შეწყვეტა გამოიწვია და ჩვენ აღარ ვაგრძელებთ რუსეთთან რაკეტსაწინააღმდეგო თავდაცვის სისტემებზე მსჯელობას. თუ რუსეთი განაგრძობს საერთაშორისო კანონმდებლობის დარღვევას, ჩვენ გადავხედავთ ნებისმიერ მომავალ ორმხრივ კონტაქტებს რაკეტსაწინააღმდეგო თავდაცვის სისტემებთან დაკავშირებით, რათა უზრუნველვყოთ აშშ-ისა და ჩვენი მოკავშირეების უსაფრთხოება“.
მისივე თქმით, ნატოს ტერიტორიაზე მოსკოვი რაკეტსაწინააღმდეგო თავდაცვის სისტემაში ვერანაირ საკონტროლო ფუნქციას ვერ მიიღებს.
