saqinform.ge

საქინფორმი, 22 მაისი, საქინფორმი. საქართველოს პრემიერ-მინისტრ ბიძინა ივანიშვილის მორიგი შეხვედრა ექსპერტებთან  გუშინ „დამოუკიდებელ ექსპერტთა კლუბში“ გაიმართა. შეხვედრაზე განიხილეს ქვეყანაში მიმდინარე პოლიტიკური პროცესები. ისაუბრეს, აგრეთვე, ბუნებრივი კატასტროფების პრევენციისა და თანამდებობრივი ამნისტიის მოსალოდნელი გამოწვევების თემებზე. შეხვედრაში სხვადასხვა საკითხზე მომუშავე ქართველი ექსპერტები მონაწილეობდნენ.

საქართველო, 21 მაისი, საქინფორმი. ევროკავშირის სპეციალური წარმომადგენელმა საქართველოში თომას ჰამარბერგმა 17 მაისის მოვლენები შეაფასა და  განაცხადა, რომ გულდასაწყვეტია მშვიდობიანი დემონსტრაციის დაშლა მეორე ჯგუფის მიერ, რადგან ყველა მოქალაქეს უნდა ჰქონდეს შეკრებისა და მანიფესტაციის უფლება. ამასთან, მან გამოთქვა იმედი, რომ 17 მაისის მოვლენებთან დაკავშირებით დაწყებული გამოძიება ეფექტიანი იქნება.

საქართველო, 21 მაისი, საქინფორმი. შსს-ს მიერ გავრცელებული ცნობით, საქართველოს შს მინისტრი ირაკლი ღარიბაშვილი ოფიციალური ვიზიტით  იმყოფება აზერბაიჯანის რესპუბლიკაში, სადაც იგი აზერბაიჯანის პრეზიდენტ ილჰამ ალიევს შეხვდა.

შეხვედრაზე ისაუბრეს სამართალდაცვით სფეროში ორი ქვეყნის თანამშრომლობის საკითხებზე.

საქართველო, 21 მაისი, საქინფორმი. საქართველოს პრემიერ-მინისტრი ბიძინა ივანიშვილი გუშინ ბრაზილიის ბიზნესსექტორის წარმომადგენლებს შეხვდა. საუბრის მთავარი თემა საქართველო-ბრაზილიის თანამშრომლობის სამომავლო პერსპექტივები იყო. ცოტა მოგვიანებით ბრაზილიელი ბიზნესმენები საქართველოს საპარტნიორო ფონდის წარმომადგენლებსაც შეხვდნენ.

საქართველო, 20 მაისი, საქინფორმი. საქართველოს პრეზიდენტი მიხეილ სააკაშვილის განცხადებით, რომელიც მან ვანუატუს მიერ აფხაზეთის დამოუკიდებლობის აღიარების გადაწყვეტილების გაუქმების კომენტირებისას გააკეთა, „ ჩვენ, პრაქტიკულად, სასწაული შევძელით და აფხაზეთის და ცხინვალის დამოუკიდებლობის აღიარების თაობაზე რუსეთის მცდელობა ბლოკირებული გვაქვს”.

საქართველო,  20 მაისი, საქინფორმი. 2013 წლის 19 მაისს, არასამთავრობო ორგანიზაციის „ყოფილი პოლიტპატიმრები ადამიანის უფლებებისათვის“ ორგანიზებით თბილისის სპორტის სასახლეში გამართულ ყრილობაზე ახალი საზოგადოებრივი მოძრაობა დაფუძნდა, რომლის დევიზია „სამართლიანობა უნდა აღდგეს, რეჟიმი უნდა გასამართლდეს!“.

მოძრაობის მთავარ მოთხოვნას წარმოადგენს სამართლიანობის აღდგენის პროცესის დაჩქარება, წინა ხელისუფლების დამნაშავე წარმომადგენლების გასამართლება და ამ მიზნით რამდენიმე კომისიის შექმნა.

საქართველო, 20 მაისი, საქინფორმი. გუშინ, 19 მაისს, საქართველოს შინაგან საქმეთა სამინისტროში პოლიციელის დღისადმი მიძღვნილი ღონისძიება გაიმართა, რომელსაც საქართველოს პრემიერ-მინისტრი ბიძინა ივანიშვილი მთავრობის წევრებთან ერთად დაესწრო. შს მინისტრმა ირაკლი ღარიბაშვილმა პრემიერს სამინისტროს მნიშვნელოვანი ტექნიკური და ინოვაციური სიახლეები გააცნო.

საქართველო, 17 მაისი, საქინფორმი. ადამიანის უფლებათა ევროპული სააგენტოს მონაცემებით, ევროკავშირის ტერიტორიაზე მცხოვრები გეების მეოთხედმა ბოლო ხუთი წლის განმავლობაში თავდასხმა განიცადა ან ანგარიშსწორების მუქარა მიიღო, - იუწყება გაზეთი “ვზგლიადი“.