თბილისი, 13 ივლისი, საქინფორმი. იაპონიის სამხრეთით მოსული ძლიერი წვიმის შედეგად გამოწვეულ წყალდიდობასა და მეწყერს 19 ადამიანის სიცოცხლე ემსხვერპლა.
ყველაზე მეტად ოიტასა და კუმამოტოს პრეფექტურები დაზარალდა, თუმცა დატბორვის საფრთხე ახლა კიდევ ოთხ რეგიონს ემუქრება.
შესაბამისმა სამსახურებმა სტიქიური უბედურების ზონიდან 50 ათასი ადამიანის ევაკუაციის ბრძანება უკვე მიიღეს.
